بين بغداد وواشنطن

اخر الاخبار تقول " بغداد تدعو واشنطن لعدم التدخل في شؤونها الداخلية".

يلعن بو الطّحين بجميع أشكاله برّا وبحرا وجوّا… كما يقول بلقاسم تارزون Tarzan

مشارك في حملة 1 جويلية ضدّ حجب المواقع ومقص عمّار وصل متاخرا...

انا في الحقيقة ما شاركتش في حملة 1 جويلية ضدّ الحجب لاني في المدة الاخيرة عندي برشة التزامات عائلية وكنت شبه غائب على الانترنات.

لكن ما فيها باس انا انحب انشارك توّة وبصوت عالي: انا ضدّ حجب المواقع ومقص عمّار في 1 جويلية و5 جويلية وشهر جويلية الكل…في كل ثانية وكل دقيقة وكل ساعة وكل يوم وكل اسبوع وكل شهر وكل ثلاثية وكل سداسية وكل سنة…

لا لحجب المواقع والمدونات، لا لتكميم الافواه ...نعم لحرية التعبير...نعم لفتح موقعي Youtube et Dailymotion من 1 جويلية الى 30 جوان...

كول على كيفك والبس على كيف ساركوزي...

كول على كيفك والبس على كيف ساركوزي ... خاصة والطقس اسخون...ههههها

زوجة الرئيس الفرنسي كارل بروني
Carla bruni

مع انني ضدّ الحجاب و البرقع و اعتبار جسد المراة عورة ، لكنني مع حرّية المعتقد وحرّية اللباس...وحرّية الكلام و التعبير وحرّية الرأي، وحرّية المراة، ومع المساواة الكاملة بينها وبين الرجل...

الحجاب والبرقع... ليست المشاكل الحقيقية للإنسان المعاصر يا ساركوزي...هناك ما هو أهمّ وذو أولوية ويتطلب حلول عاجلة...الهروب وإغراق الناس في نقاشات جانبية وتلهيتهم بأمور فارغة لا تقدم بأحد يا ساركوزي.

وراء كل طفل مبدع ...أسرة عظيمة

هناك فرق بين من يعلم الأطفال الصغار الكلام البذيء والألفاظ السوقية وكل معاني الفساد والبؤس والرداءة...ومن يعلمهم الإبداع والسلوكيات السليمة والحس الفنّي والنقدي...

ينتابني إحساس بالغبن والضيق والحزن الشديد عندما أقارن بين ما تناقلته مواقع الانترانت من مشاهد لأطفال أبرياء في عمر الزهور يرددون ألفاظا قبيحة بإيحاء من الأولياء والأقارب ، وبين أطفال يتعلمون من محيطهم معاني الإبداع والجمال والحياة.

عندما تستمع لهذه الطفلة اليابانية وهي تعزف ينتابك شعور بالصدمة، لان المسافة بيننا وبين العالم المتحضر والمتمدن كبيرة جدّا وأكثر مما نتصور...

وراء كل طفل مبدع ...أسرة عظيمة...

أترككم تستمتعون بهذا العزف الرائع لهذه الفتاة اليابانية.

في انتظار البلتان

انحب انعرّس...انحب نبني دار...انحب كرهبة...انحب كسوة ...انحب صياغة...انحب قطعة ارض...انحب انعدّي مدّة باهية على البحر في بقعة باهية هاهو الصيف دخل والسخانة ماشية واتزيد...انحب انشيخ...انحب نتفرهد...انحب أورديناتور يعمل الكيف ...انحب نعمل حواسة البرّه.....انحب...انحب...انحب...وانحب...

منين يا حسرة...

سي الصادق، شخصية ظريفة وصاحب نكته، كنت احكيت عليه برشة مرّات في تدوينات سابقة، مرّة من المرّات تساءل: علاش واحد الفوق وواحد لوطة، علاش واحد يلعب بالفلوس لعب وواحد فقري...فقالوا له هذيكة حكمة ربّي وكان سواها( أي الناس الكل سواسية) راه طواها (أي طوى الارض وما عليها)، فاجابهم علاش الحمل الكل جاي علينا نحن الفقراء؟...ههههها ...واذا كان تتفرهد امورنا والناس الكل تولي كيف كيف...وماعادش نحكو على اغنياء وفقراء باش يطويها...يا ملا حال واحوال...

فقالوا له : باش يمتحنك ربّي...الحياة امتحان يا سي الصادق...

فاجابهم: الى حد الان ما بعثليش حتى بلتان bulletin...هههههها...

والله اتذكرت الطرفة هاذي وقت قريت مقال في جريدة الصباح هنا يحكي على شهريات رجال الأعمال وكيفاش الب د ج امتاع بولينا يتقاضى 45 الف دينار شهريا وفلان ياخذ ما نعرفش قدّاش...

بالله قارنوا واحد يتقاضى حوالي 45 الف دينار في الشهر وواحد يحكي على ان جيبه لم تدخله 5 دنانير منذ مدّة...

عندي واحد صاحبي يحب الادب والثقافة، ويحب الخمرة حبّا جمّا...فقير الحال وعندما تسأله عن أحواله يقول لك "ما عنديش أموال"...مرّة خذي قرض من البانكة وقصد بيه تونس العاصمة واتفرهد كيف حب وشاء وعاش مدّة متبرجز...وقال نهار سردوك ولا عشرة دجاجة...ثمّ عاد الى فقره فرحا مسرورا...هههههها .

احنا ميــــــــن وهـم ميــــــــــن

احنا قرنفل على ياسميـــــــــن

في انتظار البلتان ...تمنياتي لكم بالنجاح يا فقراء...

مولود جديد...الجزيرة تفتح مكتبا في قابس...هههههها

الجزيرة تواكب اخر الاخبار من الجنوب التونسي ، وتدعوكم لمتابعة هذه التقاريرالتي تسلط الضوء على بعض مشاغل شباب الجنوب : القينية (الفقر)، الحرقان، اللاقمي، تجارة البنزين....

لا ادري ربّما يكون هذا الشريط معروف ومكرر، لكن ما دفعني لوضعه في المدونة هو انني لاول مرّة اجده كاملا. في مرّات سابقة كنت قد استمعت لبعض الاجزاء فقط.

حتى بالنسبة لمن يعرفون الشريط أعدهم بأن الضحكة مضمونة، اما بالنسبة لمن لا يعرفونه اتركهم يتابعون اخر اخبار اللاقمي...اللاقمي حلو المذاق...هههههها...

شريط طريف يعكس رغبة الشباب في تناول قضاياه الحقيقية من طرف وسائل الاعلام.

إحياء الذكرى 15 لرحيل فنان الشعب الشيخ إمام

تمّ في حي الزمالك بالقاهرة إحياء الذكرى 15 لوفاة فنان الشعب الشيخ إمام .

هذا الاحتفال تحدثت عنه صحيفة القدس العربي هنا.

ورغم أن "الأذن العربية محتلة من سماسرة الفضائيات" كما صرّح بذلك الفنان مرسيل خليفة، ستبقى اغانيك خالدة يرددها العشّاق جيلا بعد جيل، وبلسما يشفي جراحنا ويبعث فينا الامل بغد مشرق، وما تحول احتفال ذكرى وفاتك في حي الزمالك بالقاهرة الى شبه مظاهرة الا خير دليل على ما أقول.

العمر ماشي وكل ماشي وله مداه

وكل فرد وله بداية و منتهاه

الشعب هو الباقي هو الحي

هواللي كان هو اللي جي

طوفان شديد لكن رشيد

يقدر يعيد صنع الحياه

رفيق درب الشيخ امام الشاعر الكبير أحمد فؤاد نجم