ثمّة واحد ايحب الخمرة حبّا جمّا، قال في يوم من الايام " انحب عيون الماء امتاع نفزاوة اتولي شراب"...
لكن تحقق ما هو أعظم بفضل التقدم التكنولوجي الهائل، بشرى لمحبّي الانترنات وعشّاق الخمرة : من اليوم تستطيع تحميل ما شئت من انواع الخمور باستعمال فلاش ديسك تحفون ياسر واغرم زمانك وعش ايامك وعش لياليك. بالنسبة للجماعة الي مازالو ما صدقوش الحكاية انخليهم ايشوفو الفيلم:
اش رايكم. لكن الخوف كل الخوف من عمّار بوجلم، خايف كان يحجب مواقع تحميل البيرة والشراب ولا يسمح الا بتحميل الكوكاكولا...كوكاكولا تفوق وتروق ضدّ الافكار الهدّامة...سالمة يا سلامة...
سامحوني يا جماعة انا ما نعرفش روحي في اليقظة والا في المنام ، في الدنيا والا في الجنّة.
قريت مقال عيّاش من المرسى هنا يحكي فيه على أجواء القيامة وكيفاش مشى هو واصحابو عملو كعبات وكرّع كي الجمل منّو للنهر..." معا الاربعة قابلت اصحابي، تعدينا للنهر عملنا كعبات، أما المشكلة لازمك تهبط كي الجمل منك للواد"... ههههها
لكن في الحقيقة بعد ما شفت الفيلم هذا بديت انشك في الحكلية امتاع عيّاش.
يا عيّاش كان ربّي ناب عليك وانجحت يوم الحساب بالعشرة امتاع الحاكم ولا حتى بالاسعاف مش مشكل المهم اتجي في الجنّة، انا اعتقد كونك باش تشرب ما لذ من النبيذ موش على طريقة الجمل بل باستعمال الكبيوتر والانترنات والفلاش ديسك التحفون(الحاسب الآلي جهاز مفيد يكثر في المدن ولا يوجد عند البدو لأن البدو لديهم ( الجمل ) والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر . ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف... " طرائف التعبير الكتابي" هنا.....ههههههها)
بضغط زر التحميل عيش عيشتك يا عيّاش راهو عمّار ما ثمّاش...ههههها...
والهدّية ما تترد...ههههها.
