بريطانيا تحتاج إلى مختصين في الجلم من ذوي الخبرة...ههههها

جاء في مقال بجريدة الصباح، اليوم 29 سبتمبر 2008، بعنوان " حسب معلومات تناقلتها وسائل الاعلام الدولية: "بريطانيا ترغب في استقطاب مدرسي الرياضيات والعلوم والمشرفين على ورشات البناء والمهندسين الكيميائيين وأطبّاء الاختصاص" ما يلي:

"...مقابل ذلك تشكو بعض المهن نقصا فادحا مما جعل مجال استقدام الاجانب لسد الشغورات رحبا وواسعا. ومن بين الاختصاصات المطلوبة بكثرة تدريس الرياضيات والعلوم والإشراف على ورشات البناء والهندسة الكيميائية والهندسة المدنية وأطباء الاختصاص وموظفو الملاحة الذين يقتضي التوسع في مجال الملاحة البحرية انتدابهم.

الصوف وسلخ السمك أيضا.

" من جهة أخرى تحتاج بريطانيا إلى مختصين في جز صوف الخرفان وتتوقع استيراد 400 مختص من نيوزيلندا وأستراليا ويشترط في كل واحد من هؤلاء أن يكون قادرا على جز صوف 400 خروف يوميا..."

ما ثمّة حتى واحد كان يعرف الّي الجلم يمكن يصبح اختصاص ومطلوب في الدول المتقدمة...وموش هكاكة بركة قالك يا سيدي مطلوب جلاّم عندو خبرة وكفاءة قادر على جزّ صوف 400 خروف يوميا...زعمة ثمّ واحد اينجم يجزّ ها العدد الكل...بالطريقة التقليدية امتاع هزّ وانفض واكتّف الخروف وجزّ، حتّى امهر الجلامّة في استراليا و نيوزيلندا ما ينجموش ايحققو الهدف الكمّي المتمثل في جز 400 خروف يوميا.

الهدف الكمّي هذا ما اينجم ايحققو كان بوجلم امتاعنا سي عمّار 404 ...هو اينجم ايجز 404 خروف يوميا ههههها...

العدد الهايل امتاع جزّ الخرفان يتطلب جلم موش عادي...جلم متطور مواكب لاحدث تنكولوجيات الاعلامية والانترنات...والجلم هذا ماينجم ايكون كان الجلم نات امتاع عمّار...وكذلك أجلام نات العربان وهي اجلام غير موجودة الا في الدول العربية...وهي اجلام ذات جودة عالية جدّا جدّا جدّا...

اش رأي سي بوجلم كان يمشي لبريطانيا ايجزّ الخرفان خاصّة وان كل الشروط متوفرة : الشهادة العلمية: اختصاص جلم والخبرة امتاعو والتجربة...واعتقد باش يقع القبول امتاعو من غير أدنى نقاش.

برّه اتفرهد غادي يا سي عمّار العيشة والهناء واليورو و…FCR ههههههها سيب عليك من خدمة الّي ماعندو خدمة.

يا بوجلم يا بو السواعد المفتولة...ههههههها.