نرجعو توه للابتسامة ،بعد ما ما بعدنا عليها اشوية في التدوينات السابقة، على خاطر هي الوسيلة الوحيدة الي تخلينا ما نبكوش وما انموتوش من الغم والهم والتخمام مضر بالصحة كيما احكات عليه ارابيكا في التدوينة امتاعها.
اليوم باش اتشاهدو فيلم طريف يحكي على مفهوم الزواج من مقاربات متعددة وانتم اختاروا التعريف اللي يتماشا مع وضعيتكم الزواجية...والفيلم ايهم كذلك العزّاب ويعطيهم جملة من المفاهيم المتعلقة بالزواج في زمن العولمة ههههها ...
نتمنى باش ها المفاهيم امتاع الزواج تساهم في حل الخلافات الزوجية واتخفض في مظاهر العنف الممارس ضد الزوجة، وعلى المدى المتوسط اتقلل من نسبة الطلاق المرتفعة في بلادنا ومن الخيانات الزوجية...ويرغب العزّاب في الزواج باش انواجهو مشكلة العزوف امتاعهم عن الزواج ...وكذلك يدفعهم باش ايعرسو بكري اشوية لمجابهة تأخير سن الزواج الي وصل ل33 عام بالنسبة للشاب و29 عام بالنسبة للفتاة كمعدل ...وهكاكة انجمو انحدّو من ظاهرة الحبالة خارج اطار الزواج الي وصلت لمستويات مرتفعة وانواجهو انتشار الامراض الجنسية والسيدا عافانا وعافاكم الله.
هيا منطولش عليكم وتفضلو شاهدو ها الشريط...الابتسامة مطلوبة والتخمام مرفوض...
ورغم كل شيئ ينتصر الحبّ...
ليست هناك تعليقات:
إرسال تعليق