والسبب الرّئيسي لإصابة Les claviers بالجراثيم اللي اتنجم اتكون خطيرة هو كيف يتناول الشخص الماكلة امتاعو على البيرو...كيف يبدأ الواحد يأكل وهو مشدود للجهاز امتاعو...وهو يبحر ...علاش حسب رأيكم؟ على خاطر بقايا الطعام تتسبب في ملايين الجراثيم اللي اتنجم اتكون عندها مخاطر على صحة الإنسان...
وثمة استطلاع قامت بيه نفس المؤسسة «Which? Computing" بيّن كذلك إن واحد من 10 اعترفوا أنهم لم يقوموا إطلاقا بعملية تنظيف clavier امتاعهم...و20% ما عمرهم نظفوا souris امتاعهم.
وقالك كان تتناول في الماكلة امتاعك وانت على جهاز مهوش انظيف يعني مليان بالجراثيم...راه عبارة كونك تتناول في الماكلة إمتاعك في toilette.
أنا نعرف اللي أغلبكم مريض بالإعلامية والانترنت... وتأكلوا على البيرو... وتشربوا على البيرو...و …على البيرو...
ولهذا من فضلكم وعيشكم ويجعل منكم...ديمة الصابون والجافال وكل أدوات الغسل والتنظيف هههها ..يلزم clavier امتاعك عيش خوي و souris ديمة هكّه يعملو...نظاف يعملو ستة وستين كيف...على خاطر صحة المدونين اتهمنا...وانحبوهم ديمة في صحّة جيدة...
وانشاء لله تنحل المشكلة مادام العلم قاعد يتطور بشكل مذهل...ويبدأ جهاز الكمبيوتر فيه سبّالة وما لازم...وبالك اينوب ربّي ويقع انتاج برنامج logiciel antibactérien من غير افلوس free اينظف الجهاز من برّه.....هههها.....واينظف اليدين...والشخص يعمل تدويشة وهو قاعد على الكمبيوتر امتاعو وبعد ايشح راسو...واينشف روحه...ويعمل رقدة...أحلام لذيذة...
ليست هناك تعليقات:
إرسال تعليق