الناس الكل تتكلم المدّة هاذي: واحد يطالب بوقف الحرب، والآخر ينادي بعقد قمة عربية، والآخر يناشد مجلس الأمن، واحد آخر منشغل بالأوضاع الإنسانية...وحتى الجماعة المورطة للكرومة في الحرب ايغنّوا في نفس الغنّاية...الناس اتبيع في الكلام والشعب الفلسطيني يدمر ولا حياة لمن تنادي...
ومادام الحكاية هكّة شدّوا عندكم: المدونون التونسيون ينددون بالمجازر الصهيونية،ويطالبون بوقف العدوان فورا، وبقطع العلاقات مع الكيان الصهيوني وكل أشكال التطبيع حالا ، ويطالبون كذلك بمحاكمة الجنرالات الصهاينة وكل المسؤولين العرب عن هذه المجازر في اقرب وقت ممكن، وكسر الحصار عن قطاع غزّة حالا، ويناشدون الدول العربية بمد الشعب الفلسطيني بالمال والسلاح....فورا وحالا...
وهم منشغلون جدّا بالأوضاع الانسانية، ويطالبون بعقد قمم عربية واسيوية واروبية وامريكية واسلامية وعالمية ...، ويناشدون مجلس الامن بالضغط على اسرائيل باش تنصاع للقرارات الموقرة امتاعو...
وهم ينددون، ويطالبون، ويناشدون،و يتابعون ، ومنشغلون ، و...و...و....
كان الكلام ينفع راهو العدوان توقف...كان الكلام ينفع راه العدوان ما وقعش ، كان الكلام ينفع راهو وراهو وراهو...
اتشافيز طرّد السفير الاسرائيلي وعمل خطاب في البرلمان والشعب يتبرع لقطاع غزّة وبوليفيا طردت هي الأخرى سفير اسرائل والآخر يتكلم على ان انعقاد القمّة تتطلب مزيد من التنسيق...ايحتاج دم بهذا الوضوح لتضييع الوقت في التنسيق...صح النّوم...
المطلوب أفعال وليس أقوال : واتشفازاه... واموراليساه ... واتشفازاه...واموراليساه
كان ايزيدو ايكملوا الجميل امتاعهم ويطردوا سفراء الدول العربية المتورطة في الحرب...اش رايكم يا جماعة؟
ليست هناك تعليقات:
إرسال تعليق