الشاعر المرحوم علي بيلة كنت حكيت عليه في تدوينة سابقة هنا، وقتها يخدم في فرانسا كعامل مهاجر، ولى يستعمل في سمّاعة على خاطر السمع امتاعو نقص. سمعو بيه الاصدقاء امتاعو في البلاد، وفي اطار المزاح واثارة الشاعر بعث له احدهم كلمات فيها سلام للسمّاعة امتاعو.
الشاعر علي بيله الله يرحمو ما ايكونش من العاكسين رجّع الصاع صاعين خاصة وانّو صديقو الي بعثله سلام للسماعة امتاعو ناقص نظر ويلبس نظارة فبعث له بالابيات التالية:
سمّاعــــــــــتي شكـــــراتــــــــــــــــــــــــك
ودزّت ســـــــــلام العزّ لمريا تــــــــــــــك
سوا حاطـــهم في الليــــــــل وقت انباتـــــك (وقت النّوم)
سوا البستــــــــهم واعملتــــــــــهم نظـــاّرة
سوا تلعبــــــوا والكارطـــــــــه عطياتـــك
سوا الديمنـــــــو واربحت في السكّـــــــارة
ليست هناك تعليقات:
إرسال تعليق