كل شيء قاعد يتغير في ها العالم...تغيرات مناخية كبيرة ومدن الجنوب عاشوا 5 أيام بدون شمس، سحب وغيوم وأمطار...قريب يتحولوا لمدن ضباب ههههها...تغييرات مناخية في العالم الكل...
تغييرات اقتصادية كبيرة...أزمة خانقة للرأسمالية وكل شعوب الأرض باش تتدفع الفاتورة...صعود وهبوط غير عادي في سعر البترول على المستوى العالمي
تغييرات سياسية تتمثل خاصة في انتخاب رئيس أسود لأقوى دولة في العالم، انهيار القطب الواحد وبداية تشكل أقطاب جديدة كالصين والاتحاد الأوربي وروسيا ...
تغييرات اجتماعية وعلمية وثقافية وتكنولوجية...كل شيئ قاعد يتغير ويتطور... ما عدا حاجة بركة ما فهمتشس علاش ثابتة لا تتغير؟ الدنيا تتطلع تهبط ايصير فيها ما ايصير...حكام ورؤساء وملوك الدول العربية هم هم...نفس الوجوه ونفس الأحزاب الحاكمة...ونفس النغمة والكلمات والتلحين ...والثابت الذي لا يتزحزح السلطة مدى الحياة ...وتوريث الحكم ، والفوز في انتخابات رئاسية وتشريعية بنسب مرتفعة جدّا جدّا...
والتغييرات التي يعيشها العالم في الموضوع هذا ممنوع حصولها في بلاد العربان...وهذاك علاش وقع احتلال العراق، والعدوان على لبنان في صيف 2006، والعدوان على غزّة المدة الي فاتت...ومادام الثوابت هذي موجودة لا تتزحزح، مازال الخير القدام يا جماعة...
المتحول في العالم والثابت عندنا، المتغير في كل شيء ولا متغير في بلدان العربان، تبدل في الوجوه في جميع أنحاء العالم وعند العرب الوجوه هي نفسها...
وما دام الشعار امتاع العربان تبديل السروج ما فيشي راحة...الراحة نتمتعو بيها في وضعية الجنون أو في القبر.
وكل عام ونحن ثابتون...ثابتون ثابتون ثابتون... على وزن صامدون صامدون صامدون...في الثبات موش في المتحول...هههههها.
ليست هناك تعليقات:
إرسال تعليق