- اقتصد في الماء: الرّي قطرة قطرة ...ديمة الصيانة عيّش خوي...ديمة ثبّت...رد بالك امليح ثمّاش فويت ثمّاش حاجة...
- اقتصد في الضوء اشري فوانيس الاقتصاد في الضوء راهي تستهلك 4مرّات أقل من الفانوس العادي...لكن الثمن امتاعها يا سيدي خويا أكثر 5 مرّات من الفانوس العادي...الحاج موسى...موسى الحاج... هههها...رد بالك متشعل أنبوبة كان ما تطفي أنبوبة...هكاكة انحبك...
- تحكم في استهلاك البترول:الصيانة والمراقبة المستمرّة...انفخ ديمة العجلات امتاعك....البوجيات ماذا بيك ديمة الجديد...فيلتر الهواء....نقص من استعمال السيارة وألعب الرّياضة...المشي باهي ياوليدي...تحمل غلاء هاالمادة اللي ثمنها طالع كي الصاروخ...شالله يلقوا حل هاهو قالك ياسيدي يعملوا في بحوث باش يستخرجوا الطاقة الحيوية من القمح...بالك اينوب ربّي وتتحل المشكلة ! وتولي الخبزة ب50 دولار فقط
- اقتصد في القاز...
- اقتصد في الماكلة...رد بالك من السمنة والكيلسترول...والسكر
- اقتصد في الاستهلاك...التقشف...ترشيد الاستهلاك...
زعمة يا أولادي مشاكل المياه والطاقة والاستهلاك و....و....و...مرتبطة ارتباط عضوي بسلوك المواطن فقط؟
يا فقط . هههها
ما تعلقشي يا وليدي...مازلنا ما كملناش....اسمعني امليح توه ما عادش باش انقولك تحكم واقتصد...لا توه باش انقولك اسمعني امليح...اتبرّع...
-اتبرع بفلوسك من أجل التضامن...
- اتبرّع بدمك من أجل...
-اتبرّع بأعضائك بعد ما اتموت من أجل...
منخبيش عليكم انا اليوم قاعد مرتاح ...جاني مسّاج من اتصالات تونس...يحكي على التبرع بالأعضاء بعد الموت...وكاني موافق اش يلزمني نعمل...بقيت انفكر في الموت وخيم علي الحزن وsamedi سوار تحول الى حزن وتشاؤم وخوف...
عش انت .. اني متّ بعدك...
ليست هناك تعليقات:
إرسال تعليق