ثم واحد اسمه بوسيف، قالك يا سيدي مات بوه ، وبدت زوجته النّهار الكل تقنع فيه باش يعطي البرنوس اللي كان يلبس فيه بوه الله يرحمو، صدقة ...وسي بوسيف ، بحكم أنّ البرنوس مازال جديد ايحب يلبسو هو ومايحبش يعطيه صدقة كيما أتحب زوجته...وكل مرّة أتعاود اتذكرو بالموضوع واتلح عليه باش ايصدّق البرنوس امتاع بوه لكن بوسيف رافض.
نهار من نهارات فاقت الصبّاح من النّوم وقالت لراجلها: راه بباك المرحوم زارني البارح في المنام إمتاعي...ويلزمنا انصدقو عليه البرنوس...نعطو البرنوس امتاعو صدقة...
فأجابها بوسيف: أشبيه ما جانيش وزارني...زارك كان أنت ...مانا راقدين في دار واحدة وفرش واحد...ههههها
كيفاش ايزورك انت وأنا مازرنيش ...كيفاش ايجيك أنت وأنا ما جانيش..ههههها
.والله البرنوس مانيش باش نعطيه لحتى واحد...والموضوع هذا ماعادش تجبديه بالكل...واضح ....ههههها.
هناك تعليقان (2):
haya mar7ba bik jari, matgoulech mahou nafr7ou bik, a5iran i9tana3t ou 3melt moudawna, amma n3ib 3lik ma tnawarnich bach ntolou 3lik, haya jari salam 3al chahba
يا جاري انا متحشم منك ياسر لاني ماقتلكش مبروك العرس.سامحني يا ادم.مبروك عليك العرس وانشاء الله فرح دايم
اما بالنسبة للمدونة راني حبيت نعمل تجربة وانا مازلت في البداية...واخترت موضوع الابتسامة والضحك...من أجل التنفيس...وتصعيد المكبوتات...لان العقل لم يعد يتحمل...فالضحك وسيلة حمايةووقاية .
نضحك كي لا نبكي...نضحك كي لا نموت...
أجمل تحياتي لك...واتمنى لك كل الخير والسعادة والهناء...
أسعدني مرورك...وسوف نتواصل في المستقبل أكيد ياجاري...
إرسال تعليق