أندادك وزراء ورؤساء دول !!

الصادق شخصية تحفة في الجهة امتاعي، كنت احكيت عليه في مرّة سابقة ومازلت باش نحكي على الطرايف امتاعو في المستقبل انشاء لله.

كان في فترة معينة من حياتو منين كان شاب، يعيش بطّال امزمرة عليه، وعلاقته مع بوه متوترة برشة.

وكان البو ، الله يرحمو،موش مرتاح للوضعية هذه.وكان ديمة يرجع السبب الكل لعدم اكتراث ولدو وعدم رغبتو في الخدمة.

نهار من نهارات حب يستفز ولدو فقال له : برّه شوف أندادك أساتذة واطباء ومهندسين و….و…

فرّد عليه الصادق بدم بارد: وانت أندادك وزراء ورؤساء دول !!.هههها.

ومرّة اخرى في الصباح قال البو للصادق: فيق من النوم وشوف الناس كيف تقضي في مصالحها اللي ماشي للخدمة ماشي واللي ماشي للغابة ماشي…واللي ماشي للسوق ماشي…وانت قاعد راقد...

رجّع عليه الصادق " منيش باش انشدّلهم شرطي مرور…ههههها.